સન્માનનીય વાલીમિત્રો તથા મારા વ્હાલા વિદ્યાર્થીમિત્રો,

           દીવાન બલ્લુભાઈ માધ્યમિક શાળા, કાંકરિયા -(ગુજરાતી માધ્યમ) તમામ કર્મચારીગણ આપ સૌના સાથ અને સહકારથી કોરોનાની વૈશ્વિક મહામારીમાં સરકારી ગાઈડ લાઈન મુજબ ઓનલાઈન શિક્ષણ પણ બખૂબી નિભાવી રહ્યા હતા. તાજેતરમાં જ આ વૈશ્વિક મહમારીમાંથી બહાર આવી ઘણા લાંબા અંતરાલ બાદ શાળા નવપલ્લવિત બની શાળા સંકુલ બાળકોના હર્ષઘોષ,  કિલ્લોલથી શોભી રહ્યું છે. આ જીવંત વાતાવરણમાં શિક્ષકગણ નૂતન આનંદની અનુભૂતિ સાથે પુનઃ વર્ગખંડમાં જીવંત શૈક્ષણિક કાર્યમાં જોડાયા છે. ઉપરાંત શૈક્ષણિક વાતાવરણની સાથે સાથે વિદ્યાર્થીઓ પણ સહ- શૈક્ષણિક પ્રવૃત્તિ માટે કટિબદ્ધ બન્યા છે.                   21 ફેબ્રુઆરી- માતૃભાષા ગૌરવ દિનની ઉત્સાહભેર ઉજવણી જેની સાક્ષી છે. શાળાના પ્રાંગણમાં બાળકો પુનઃ નચિંત થઈ કિલ્લોલતા, શોરબકોર કરતા ઉત્સાહિત નજરે પડે છે. શાળાના વર્ગખંડો પણ મહત્તમ હાજરી સાથે જીવંત બની રહ્યા છે. વિદ્યાર્થીઓ પણ અનેરા ઉત્સાહથી અભ્યાસમાં કટિબદ્ધ બન્યા છે.  આપની સેવામાં હર હંમેશ